|
والله لو تسال عن احوال مغليك
ياكل قلبه.. ياهناه.. ومناته
بعدك ينادي لك ويرجي لاساميك
ويروم دارك وانت اغلى امنياته
ياغاليٍ مافيه حيٍ يحاليك
ملكت قلبه والقصيد ودواته
حتى قوافيه العظيمة مماليك
شعرٍ وماهو فيك وشي طراته؟
امسى يهذري بك..واصبح يناجيك
واضحى يدور لك بواسع جهاته
واجد ينادونه ولكن يناديك
ليتك تروف بحالته ياحياته
انت الحبيب وكل طيف يجي فيك
يفز له واقف ويجدع عباته
الزين والاخلاق والمجد كاسيك
ياوش بقى يرجيه باقي حياته
| 
