|
تسبق دموعي خطوتي عند لقياك
وقبل الدمع يجيك قلبي سريعي
يفز قلبي لا سمع بس طرياك
وشلون لا من صار شوفك طبيعي
دايم على بالي تهادت حلاياك
تلفني طرياك لفة رضيعي
مغير صوتك مبسمك في شفاياك
كل الكلام بغير حسنك وضيعي
عجزت ألاقي آدمي في مزاياك
مابه بشر في مثل قدرك رفيعي
شفتك وبعد الوصل جتني خفاياك
ان الفراق بدمعتك لي شفيعي
يا فرحتي يا سلوتي وين دنياك
ارجع لقلبٍ شوفتك له ربيعي
مغير بعدك باقي في بقاياك
قلبي,, وخطك له وعد ما نذيعي
سرك معي في وسط قلبي وطرياك
دايم على بالي ولوني جضيعي
| 
