|
علموا هاك الهنوف اللي تزايد في بهاها
صدتـي عنهـا بقلبي مثـل طعنـات القرايـــــب
علمـوها ياجماعـه ما ملك قلبي سواهــا
اشهد ان القلب ذايب.. اشهد ان القلب ذايب
مـن غلاها والله اني ناسي حتى خطاهـــا
وفي غلاها باتمادى.. لين توضع لي نصايـب
والجروح اللي غزتني منها ماكثر حلاهـا
آه..ياحلــــو الجـــروح اللي تذكرك الحبايب
كـل جـــرح تقبلــه نفسـي ولكـن منتهاهــا
الكرامــــه لا وصلـت لها تطاولت السحايب
والرجل لو كان ياكل لقمته قـام ورمـاهــا
لا خطرلــه ما يغـثه .. كــت زاده بالتـــرايب
وعلموها لو يطول الوقت او يقصر تراها
ساكنـه وسـط العيـون ونازله بين الحـدايب
وعلموها ماصنعها كود زبن اللي بداها
ليــن خلــدها قصــيدة.. قصــةٍ لامجــاد غايب
يــوم كانـت وســط كفـي درةٍ قلبـــي حماها
واتعـرض من غـلاهـا للمشـاكل والنشـايب
ويـوم هي زادت خطاها عودت للي رباها
شايبٍ واظن من مهده وهو شايب وعــايب
والعهـود اللي عليها بحل ما دور جزاهـا
والعهود اللي علي اوفيت فيها ياعجـــــايب !!
ولا تظن اني بغلاها منتظر رجعة مساها
لا ورب البيت مابغى غير فرقاها وهــــايب
هيه.. لاتطري عليهااني على موعد رجاها
حبها في وسط قلبي لكن الرجعه ... عقايب
ماتمنيت بحيـاتي الا ان ربي قـد خــذاهـا
قبل لا تخطي ... واعيش لها مثل الوهــايب
علمـــوها لا تزايـد في بهاها يا عساهـا
للعمى ..... لا والله الا لجنته يااغلى الحبايب
| 
